Insingasing ti maysa a baro a panagsukimat a naipablaak iti Cell Press Blue nga iti panagkissay ti panangipauneg dagiti sumagmamano a partikular nga amino acids, ken saan a panagkissay iti pakabuklan a protina, ket mabalin a makatulong iti nasalsalun-at a panaglakay ken napaut a panagbiag.
Iti panagsukimat dagiti managsirarak iti nasurok 350 a panagadal iti tao ken ayup, natakuatan nga iti pananglimita iti amino acids kas ti isoleucine ken methionine ket mabalin a mangpasayaat ti metabolismo, mangpababa iti pannakadadael dagiti selula, ken mangpapigsa dagiti mekanismo a tumultulong iti panagtarimaan ti bagi.
Nupay kasta, impaganetget dagiti eksperto a saan a kaipapanan a rumbeng a kissayan dagiti amin a panangipauneg ti protina.
Kenunada, iti umno a kaado ti protina ket nakadependir iti tawan, lebel ti pisikal nga aktibidad, ken kondision ti salun-at, kangrunaan para kadagiti nataengan nga agkasapulan ditoy tapno mapagtalinaed iti kinapigsa dagiti laslasag.
Innayon da pay a kasapulan ti ad-ado ken napaut a panagadal iti tao tapno masigurado dagiti benepisio ti panagkissay ti partikular nga amino acids iti panangpaatiddog ti biag ken panangpatalinaed ti nasayaat a salun-at.###
