Agtultuloy a napigsa ti panaglako dagiti prutas idiay Bauang Public Market ita nga holiday season, segun kadagiti sumagmamano a vendors.
Kagiddan daytoy iti tradision a panangisigana kadagiti prutas iti Baro a Tawen kas pampasuerte kangrunaan dagiti bilog a prutas.
Gapu iti daytoy, agkurkurang ti suplay dagiti sumagmamano a prutas gapo iti kinangato ti demand ken ti saan a regular a panagangkat manipud Urdaneta, Pangasinan – a kangrunaan a pagtaudan dagiti tagilako.
Nupay kasta, ikagkagumaan dagiti vendors a supusupan dagiti kasapulan ti publiko.
Segun kenni Ericka Valentin, aglaklako iti prutas idiay Bauang Public Market, agtalinaed a makabael iti presioda iti laksid ti manamnama a panagngato bayat nga umasideg iti bisperas ti Baro a Tawen.
Dagitoy dagiti presio:
Small orange – ₱10/3 pcs.
Small apple – ₱50/3 pcs.
Big apple – ₱100/3 pcs.
Grapes – ₱240/kg.
Innayon pay ni Valentin a dagitoy a prutas dagiti kadawyan a maisagana bayat ti Baro a Tawen, saan laeng a kas taraon no di pay ket kas pangdekorasion iti lamisaan.
