Napigsa iti panaglakuan dagiti nadumaduma a tradisional a kakanin ita nga holiday season maiyarig idi napalabas a tawen.
Segun kenni Mary Jane Peralta, napigsa iti panaglako na gapu kadagiti naraman ken de kalidad a produkto ngem makabael iti presio para kadagiti consumers. Nasapa met a naibos iti stock na sakbay pay ti tengnga’t aldaw idi kalman.
Dagitoy dagiti imbinglay ni Peralta a presio kadagiti sumagmamano a produkto na:
⦁ Assorted Kakanin – ₱500/Small bilao
⦁ Cassava cake – ₱150
⦁ Buchi – ₱20/3 pcs.
⦁ Suman – ₱10/pc
⦁ Tupig – ₱10/pc
Iti laksid ti nasayaat a panaglako, inallukoyna iti publiko nga agbalin a nasirib ken praktikal iti panagbusbos ita a Baro a Tawen.
Innayon na pay nga iti New Year’s resolution na ita a tawen ket ti agtultuloy a panagdur-as ti negosiona.###
