Apektado ti panagsagana dagiti empleyado ti Senado para iti panaglukat iti First Regular Session ti 20th Congress inton aldaw ti Lunes, Hulyo 28, gapo iti mano nga aldaw a panagtudo ken panaglayus iti aglawlaw ti pasdek.
Gapo iti daitoy ket saan a nakastrek dagiti sumagmamano a lider ti departamento ken emppleyado a responsable iti panagsagana, saan laeng a ti panagrugrugi ti sesyon ti kongreso, nu di ket para iti State of the Nation Address (SONA) ni Presidente Ferdinand Marcos Junior.
Segun kenni Senate Secretary Renato Bantug, nangisayangkat dan iti online meeting ken impaganetget na nga agtultuloy latta iti ar-aramiden da a panagsagana.
Iti kanito kunana nga adda iti dakes a paniempo, madanon ti agingga ngudo iti lawas ti panagtrabaho da, nangruna a dinakamat na ket dagiti agtrabtrabaho iti on-site.
Karaman kadagiti napagsaritaan ket iti sistema ti panangsangaili kadagiti bisita iti umadani a sesyon — nangruna kadagiti umay nga ambassadors ken nagduduma a sekretaryo.
Aminado met ni Bantug a dakkel a karit ti kasasaad ita ti paniempo ket innayon nga nu agtultuloy iti kastoy a sitwasyon ket mapilitan da iti sumagmamano nga adjustments wenno panagbalbaliw.
Laksid met iti dakes a paniempo ket agtalek iti sekretaryo a mapulido dan iti plano kadagiti sumaganad nga aldaw ken mangisayangkat da pay kadagiti kanayunan a panagtataripnong.
