Manamnama a manayunan iti bilang dagiti pasahero ti agingga 20% iti masungad a Semana Santa iti laksid ti agsasaruno a panagngato ti presio ti lana kadagiti napalabas a lawas.
Segun kenni Oliver Sy Tanseco ti Philippine Coast Guard (PCG), adu a Pilipino ti nabayagen a nangplano iti panagawid ken panagbakasionda para iti Holy Week, isu a saan a naapektaran iti planoda nga agbiahe.
Iti press briefing a naangay iti Parañaque Integrated Terminal Exchange (PITX), kenunada nga adon dagiti naka-book iti panagbiahe sakbay a kimmaro ti global oil crisis gapu iti tension idiay Middle East, a nangapektar iti nadumaduma a sektor ti transportasion.
Kabayatanna, impanamnama ti Department of Transportation (DOTr) a nainget ti panangmonitorda kadagiti public vehicles kontra iti overcharging, ken pinaregtana ti publiko nga i-report dagiti panaglabsing ti Special Action and Intelligence Committee for Transportation (SAICT).
Sinigurado met ti Land Transportation Franchising and Regulatory Board (LTFRB) ken PCG nga adda ti umdas a PUVs nga agserbi kadagiti pasahero, bayat a nakasagana met ti libreng sakay manipud kadagiti sumagmamano nga ahensia ti gobierno.###
