LA UNION – Sumagmamano a maseknan a residente ti agrekreklamo gapu iti pannakapukan dagiti mangroves wenno bakawan idiay puttot ti Barangay Biday, syudad ti San Fernando, La Union.
Iti pannakiuman ti Bombo Radyo iti managan Timmy Patacsil, kinunana a madismaya unay daytoy gapu ti namsaakan iti nagpukan kadagiti pinuon iti bakawan ken napagaburan pay.
Maysa a caretaker iti nasao a disso ti immuna a nakasaritana nga isu ti nagpukan kadagiti kayo.
Sigun kenni Patacsil, maipagarup nga awanan pay iti permiso manipud iti barangay wenno gobyerno tapno ma-develop iti nasao a lugar ken iti panagpukanan.
Kabayatanna, umap-apela met daytoy kadagiti maseknan nga ahensya nga imbestigaran ti nasao a pasamak.
