Nasurok a kagudua iti bilang dagiti agtutubo idiay United States iti agus-usar ti cellphone ti maysa oras wenno nasursurok pay iti nagbaetan ti alas-dyis ti rabii agingga alas-sais ti bigat sakbayda a sumrek, segun iti panagadal a naipablaak iti JAMA Pediatrics.
Natakuatan met a nasurok kagudua kadakuada iti agus-usar ti cellphone manipud tengnga’t rabii agingga alas-kuatro ti parbangon, bayat a kadawyan nga us-usaren da iti social media, entertainment, games, communication, ken music apps.
Kaaduan nga oras ket maibusbusbos iti YouTube, Instagram ken TikTok, a dumandanon iti average a 33 minuto tunggal rabii.
Segun kadagiti eksperto, mabalin a mangsinga ti pannaturog iti panagusar ti cellphone iti rabii gapu iti lawag manipud iti screen ken notifications. Mabalin met a makaapektar iti atension, panagsuro, emosion, ken mental health dagiti agtutubo iti kinakurang ti turog.
Inrekomenda ti American Academy of Sleep Medicine, nga-inendorso ti American Academy of Pediatrics, a dagiti agtutubo nga agtawen ti 13 agingga 18 ket maturog ti walo agingga 10 nga oras tunggal aldaw.###
