LA UNION – Marambakan inton bigat ti maika-435 a founding anniversary iti ili a Bauang, La Union.
Kinuna ni Bauang Municipal Mayor Menchie de Guzman, saan a malapdan iti COVID-19 pandemic ti wagas iti panagramabak iti founding anniversary ti nasao nga ili babaen iti naidum-duma a wagas.
Sigun ti alkalde, gapu ta adda pay laeng iti pandemya mabalin a rambakan ti anibersaryo babaen ti virtual wenno panagbuya iti social media platform uray no adda laeng iti bukod a pagtaengan.
Immunan nga imbaga ni Mayor de Guzman nga agbalin laeng a simple iti panagrambak ita ti piyesta iti ili no idilig iti napalabas a tawen tapno maliklikan iti panagwaras ti COVID-19.
Kabayatanna, kagiddan iti pananglagip ken panagrambak ti anibersaryo ket maangay iti maysa a misa kas panagyaman iti Namarsua iti oras ti alas-6:30 inton bigat kasaruno iti simultaneous flag raising ceremony a pakipasetan iti 39 a barangay a mangbukbukel iti ili ti Bauang.
