Indauloan ni Presidente Ferdinand Marcos Jr., ti panagrambak ti maika-127 a tawen ti Araw ng Kalayaan ti Pilipinas sadiay Rizal Park, Maynila.
Kadwa ti Presidente ni First Lady Liza Araneta Marcos, Presidential sons Simon Marcos, Vince Marcos, ken Cong. Sandro Marcos.
Alas-siete ti bigat a nangrugi ti flag raising ceremony, nu sadino ket mismo a ni PBBM ken ti First Family ti nangiguyod a nangtag-ay ti bandera.
Nag-atang met ti sabong iti Presidente para kenni Gat Jose Rizal.
Kabayatanna, dinar-ayan met ti sumagmamano a gabinete, opisyales ti gobierno, ken miembro ti diplomatic corps.
Nakita ti Presidente ti Parada ng Kalayaan a nagmartsa dagiti bannuar a military and uniformed personnel ti Pilipinas.
Nagparada pay dagiti pito a floats a nangipamatmat ti kuwento iti likudan dagiti gyera ti tunggal probinsya para ti independencia.
Tampok pay iti selebrasyon ti performance dagiti naisangsangayan a pista dagiti ili ken probinsya kas iti:
– Maytime Festival ng Antipolo City
– Dinagyang Festival – loilo City
– Tultugan Festival – Maasin, Iloilo
– Al Cinco de Noviembre Festival ti Bago City, Negros Occidental
– Pasidayaw Festival ti Aurora Province
– Tobacco Festival ti Candon City, Ilocos Sur
– Paruparo Festival ti Dasmariñas, Cavite
Nupay nakuyem ken agar-arbis ti paniempo ket nagbalin met a naannayas ti pakabuklan a panagrambak ti Araw ng Kalayaan sadiay Rizal Park, Maynila.
