Saan pay a kasapulan iti panagrasyon ti langis iti Pilipinas gaputa umdas pay laeng iti supply ti langis iti pagilian, segun ti Department of Energy (DOE).
Nupay ngimmato iti presyo ken agtultuloy iti gubat idiay Middle East, impasigurado ti ahensia a nasurok 40 nga aldaw pay iti imbentaryo ken adda dagiti nakalatag nga addang kontra iti hoarding.
Iti agdama, impaganetget ti ahensia nga awan ti panagkurang iti supply ti gasolina ken diesel.
Nupay kasta ket pappapigsaenda iti panagbantay kontra kadagiti mangilemlemmeng ti langis tapno maliklikan ti artificial shortage.
Kitkitaen metten ti gobierno iti pannakikoordinarda iti sabali a pagilian kas iti Russia ken China para iti natibtibker a supply.
Kabayatanna, imbalakadda iti publiko a saan nga agpanic buying ken i-report iti DOE wenno usaren ti E-Gov PH app no adda iti makakita ti abusado a gas station.###
