Mabalin a makaapektar ti panagraut dagiti tagasuporta ni sigud a Presidente Rodrigo Duterte iti presiding judge ti ICC ken nalawa a tignay protesta iti interim release plea segun kenni ICC-acredited lawyer Attorney Joel Butuyan.
Kinuna ni Attorney Butuyan a makaapektar dagitoy iti desisyon dagiti ICC judges iti interim release plea ti sigud a presidente gapo ta makita dagiti hukom a napigsa ti kampo dagiti Duterte nga uray ti ICC ket mabuteng nga agbalin a target ti panag-bully, harassment, ken gandat nga isuda ket mamanipula.
Inaramid ti international law expert ti waragawag kasaruno ti panangipatulod kadagiti spam messages dagiti tagasuporta ti sigud a presidente kadagiti posts ti LinkedIn account ni ICC Pre-Trial Chamber I Presiding Judge Iulia Motoc.
Mainayon iti dayta ket ti nasaknap a protesta idiay Manila, Davao city ken uray ti sabali a pagilian pakairamanan ti The Hague, Netherlands a mismo kalpasan ti pannakaarestar kenkuana babaen ti ICC.
