BR LA UNION – Nagtaripnong da President Ferdinand Marcos Jr. ken US VP Kamala Harris babaen ti telepono.
Iti taripnong dagiti dua ket impaganetget ni US Vice President Harris ti kinapateg ti pannaka-taginayon ti natibker a relasyon iti ekonomiya iti nagbaetan ti Pilipinas ken Amerika, nangruna ket agtultuloy ti agresyon ti China idiay West Philippine Sea.
Kinuna ni Harris nga ikari da a suportaran ti Pilipinas iti labanna mainaig iti isyu idiay West Philippine Sea.
Iti nasao a phone call meeting da Presidente Marcos ken Harris ket kasaruno iti inaramid a trilateral phone conversation da President Marcos, US President Joe Biden ken Japan Prime Minister Ishiba Shigeru.
Imbaga ni Harris kenni Presidente Marcos nga ammo na nga adda ti bipartisan support manipud iti US Congress.
Kas sungbat, nagyaman ni Presidente Marcos iti Bise Presidente ti Amerika, ket inawaganna a pumigpigsa ken agbal-balin a produktibo ti partnership ti Pilipinas ken America.
Impaganetget ni Presidente Marcos iti pannakilangenna kenni Harris a dakkel a tulong ti pannakapirma ti trilateral agreement iti Washington iti pannakabalbaliw ti dynamic iti West Philippine Sea ken Indo-Pacific region.
Kinunana a nabigbig ti trilateral ties dagiti tallo a pagilian iti ASEAN region a mangpalawa iti posisyon mainaig iti isyu idiay West Philippine Sea.
Dinayaw ni Presidente Marcos ni Harris gapu kadagiti kontribusiyon na iti Pilipinas.
Partikular a dinakamat ti Presidente ti economic, diplomatic, defense and security levels, nga inladawanna a kas “terribly encouraging”
Sakbay a nalpas ti phone call, inawis manen ti Presidente Marcos ni Harris nga agturong ditoy Pilipinas.
