Pinasingkedan ni Senate Blue Ribbon Committee Chairperson Panfilo “Ping” Lacson a mairugi manen iti panagdingeg ti kaso iti Senado kadagiti maipagarup nga anomalia kadagiti flood control projects inton Enero 19.
Segun kenni Lacson, mangrugi daytoy iti alas 1 ti malem ken matalantan iti maipagarup a panagatras dagiti sigud nga opisial ti Department of Public Works and Highways (DPWH)-Bulacan a ni Brice Hernandez ken Henry Alcantara manipud kadagiti statementda iti Senado.
Innayon ti Senador, nupay kenuna ti Department of Justice (DOJ) nga awan ti pormal nga in-rekanta ni Alcantara kadagiti imbutaktak na nga anomalya iti proyekto pang-imprastraktura ti gobierno iti maisaysayangkat a panagdingeg iti Senado idi Setyembre 2025, mapagsasaritaan latta no ania dagiti mabalin a dusa no ibabawi dagiti nasao nga opisial ti DPWH dagiti sinapataan da a salaysay manipud ti Blue Ribbon Committee.
Ilawlawag ti Senado iti DOJ no dagiti sigud nga opisial ti DPWH ket nangisubmitir ti counter affidavit kadagiti statementda. Impasigurado ni Lacson a maipangato iti agbalin a dusa no kaspangarigan mapaneknekan iti panagatras.
Kabayatanna, inlawlawag ni Lacson nga uray no umatras da Alcantra ken Hernandez manipud iti panagbalinda a saksi, mabalin latta nga agtultuloy iti imbestigasion gapu ta adda pay dagiti dadduma nga ebidensia a mabalin a mangitudo kadagiti karaman ti flood control projects kas iti money trail wenno movement of money a naikapet, a mainaig wenno konektado iti testimonia dagiti sigud nga opisial ti DPWH a mabalin nga ikonsidera ti DOJ wenno Ombudsman ti imbestigasion.
Paayaban ti Blue Ribbon Committee ni sigud a Department of Education (DEPED) Undersecretary Trygve Olaivar, sigud a Sekretario ti DPWH a ni Manuel Bonoan ken dadduma pay a resource persons a saan nga dimmar-ay kadagiti umuna a panagdengngeg ken mapaulogan ti subpoena dagiti saan manen a timmabuno.
Bayat iti panangikonsiderar no maawis iti panagdingeg ni Batangas 1st District Representative Leandro Leviste mainaig iti panangidatagna kadagiti nadakamat a “cabral files”.###
