Impariten ti Taiwan ti panangusar iti DeepSeek kadagiti amin nga ahensiya ti gobyerno karaman dagiti kritikal nga imprastruktura.
Kinuna ti Taiwan Ministry of Digital Affairs nga ti DeepSeek Artificial Intelligence service ket produkto ti China ken mabalin nga mangigubuay ti peggad iti national information security.
Sakopen ti operasyon daitoy ti cross-border transmission ken information leakage agraman ti dadduma pay nga information security concerns.
Immuna iti daitoy ket nabayagen nga inakusaran ti Taiwan iti China a mangus-usar iti “grey zone” tactics kontra kenkuada karaman ti cyberattacks iti baetan ti panagtagikua ti mainland iti isla kas bukod da a teritoryo.
Ti DeepSeek ket maysa nga libre nga AI-powered chatbot nga inaramid iti China ken kapada ti operasyon iti ChatGPT.
High technology ken advance daitoy ngem addaan met ti Deepseek iti seryoso a problema maipanggep ti privacy dagiti users na nangruna nu kasano iti finding and storing na kadagiti user data.
Nabiit pay a naipadamag nga impariten ti US Navy iti DeepSeek application kadagiti security ken ethical grounds gapo kadagiti pakaseknan mainaig ti naggapuan ket usar ti nasao nga Artificial Intelligence model.
Sumagmamano a pagilian metten ti nangbabalaw iti data practices ti Deepseek a maysa nga Chinese AI startup; karaman kadakuada ket ti South Korea, Ireland, France, Australia ken Italy.
