Bimmaba ti 72.2 percent iti pakabuklan nga utang ti nasional a gobierno idi Agosto, iti ₱141.27 billion, manipud iti ₱508.53 billion iti kapada a bulan idi 2025, segun ti Bureau of the Treasury.
Kangrunaan a rason ditoy iti kinaawan ti retail Treasury bond sale idi Agosto agdama a tawen, bayat a nakaur-or iti gobierno ti ₱425.61 billion idi Agosto 2025.
Iti umuna a walo a bulan ti tawen, apagapaman a bimmaba ti 0.5 percent iti pakabuklan a panagutang iti ₱2.25 trillion.
Nakatuding a mangrugi inton bigat, Setiembre 29 iti baro a Treasury bond offering.###
