Natay dagiti 10 nga indibidual ken agarop 61 dagiti nadundunor idiay Mexico kalpasan a nadungpar ti tren iti maysa a double-deck passenger bus – a segun ti operator ket pinadas daytoy a lumasat iti sango ti tren.
Saan met a nangipaay ti komento iti Bus operator nga Herradura de Plata.
Buklen dagiti pimmusay dagiti pito a babai ken tallo a lalaki. Adda met iti kritikal a kondisyon dagiti dadduma a nadangran bayat nga dagiti dadduma ket naruar metla a dagos iti pagagasan.
Kabayatanna, nangipeksa ti panakiladingit iti railway a Canadian Pacific Kansas City de Mexico iti pamilya dagiti biktima ken pinaregta dagiti drivers a respetuen dagiti road signs ken “stop” order kadagiti rail road crossing.
Idi 2023, pakabuklan a 12,099 dagiti napasamak a panagdinnungpar idiay Latin America a nagresulta ti $100 million a gatad ti panakadadael, 6,400 dagiti nadundunor, ken agarop 1,900 dagiti pimmusay.###
