Inpasigurado ni Department of the Interior and Local Government (DILG) Secretary Jonvic Remulla nga agtultuloy iti operasion ti gobierno tapno maarestar da Senador Ronald “Bato” Dela Rosa ken sigud a presidential spokesperson Harry Roque.
Segun kenni Remulla, aktibo nga an-anupen ti Philippine National Police (PNP) ken dadduma pay a law enforcement agencies iti lokasion da ken mangar-aramat ti nadumaduma nga estratehiya tapno mapapartak iti manhunt operations.
Innayon na pay a naudi a nakita ni Dela Rosa iti parbangon ti Mayo 14 kalpasan a pimmanaw idiay Senado, ngem nagkedked isuna a mangipaay ti kanayunan a detalye tapno saan a makompromiso iti operasion.
Maan-anop ni Dela Rosa mainaig ti warrant of arrest nga inruar ti International Criminal Court (ICC) mainaig dagiti alegasion ti crimes against humanity nga adda ti pakainaigan na iti kampanya kontra ilegal a droga idi administration ni sigud a Presidente Rodrigo Duterte.
Kabayatanna, ipabpabirok ti korte ti Angeles City, Pampanga ni Roque mainaig ti kaso nga human trafficking nga adda ti pakainaigan na iti maipagarup a pannakairaman na iti operasion ti Philippine Offshore Gaming Operators (POGO).###
