LA UNION – Nagwaras iti social media ti video nga ala ti maysa nga estudyante maipapan iti panangdangran ti maestrada iti kaklase daytoy kabayatan nga adda ti uneg iti classroom idiay Bacnotan Central School idiay ili ti Bacnotan, La Union.
Sigun iti inauna a kabsat ti estudyante a dinangran ti mannursuro a ni Nikki, makasangitda iti nagannakna idi a mabuyada ti na video.
Iti nasao a video kinunana, mabuya ken mangegan a dinangran ken pinagsasauwan ni Teacher Lorna Carbonell ti 12-anyos ken Grade VI pupil a kabsat daytoy.
Kinuna pay ni Nikki, a naaramid a nai-video ti kaklase iti kabsatna ti mannusuroda gapu ta maipagarup a kanayon a managbabara iti uneg ti klase ken adda dagiti sumagmamano nga estudyante a nadangran daytoy.
Imbatad met ni Teacher Carbonell, a saanna a napuutan a nadangranna ti estudyante gapu iti panagsao iti dakes daytoy kabayatan nga adda ti uneg ti klase.
Kayatna laeng kinunana nga ilinteg ti ubing ken makapasa iti klase daytoy isu a nakaunget isuna.
Nagkiddaw met iti pammakawan ti mannursuro gapu ti nasao nga insidente.
Kabayatanna, impaganetget ni Principal Cristeta Badua a saanna a konsiteren ti panangdangran ti teacher iti estudyante.
Ngem ikadumaanna a maurnos iti susik ti baten iti pamilya ti nasao nga ubing ken ti maestra.
