Balligi a napalubosan dagiti agarup 100 a pawikan iti kabaybayan a sakupen ti Solomon Island, Barangay Pugo, Bauang, La Union idi kalman, Disiembre 22, 2025 kas paset iti nainget a kampania ti munisipio para ti ocean conservation ken sustainable management of natural resources.
Insayangkat ti Municipal Environment and Natural Resources Office (MENRO) ti Municipal Government of Bauang babaen ti pannakitinnulong ti Coastal and Underwater Resources Management Association (CURMA) iti nasao nga aktibidad nga addaan panggep a mapreserba dagiti pawikan, mangtaginayon ti salun-at, ken balanse kadagiti gameng ti baybay.
Nangibunong met iti ili dagiti mansanas ken tinapay kadagiti dimmar-ay nga ubbing kas simple a sagut.
Dinayaw met ti MENRO ken CURMA iti agtultuloy a panagtitinnulong dagiti umili ken volunteers kadagiti environmental initiatives.#
