Maibilang kas maysa a panagatakar iti naidatang nga impeachment complaint kontra kenni Presidente Ferdinand Marcos Jr.
Sungbat daytoy ni Palace Press Officer USec. Claire Castro kalpasan a naiturong iti House Committee on Justice dagiti dua a verified impeachment complaints nga in-endorso da Rep. Jette Nisay ken Makabayan Bloc lowmakers.
Inlawlawag na a saan laeng a ti presidente iti mabalin a maapektaran iti impeachment no di ket karaman pay iti pagilian ken ti ekonomia.
Respetuen ti Malacañang iti refferal ti verified impeachment complaints iti House Committee on Justice.
Bigbigen ti Presidente dagiti addang ken pangngeddeng ti House of Representatives ken baybay-an nga agandar iti proseso ti impeachment a maitunos iti linteg.
PLAY VIDEO CLIP – USEC. CASTRO 1
Mainaig ditoy ket impasigurado ti Malacañang a saan nga agbalin a lapped ti impeachment efforts iti panangtungpal ti Presidente kadagiti pagrebbenganna.
Saan a mabalin a pasardengen ti presidente iti agtultuloy a panagtrabahona para iti panagdur-as ti biag ti tunggal Pilipino iti laksid dagiti reklamo a naipila maibusor kenkuana.
Nakasagana ti Malacañang a makitinnulong iti Kongreso no agkiddaw iti House Committee on Justice ti dokumento.
Innayon pay ni Castro, respetuen ti Presidente iti proseso ken agtungpal iti aniaman a legal a kiddaw a mainaig iti agtultuloy a panagdengngeg.###
