Manamnama a maisubmitir inton aldaw ti Lunes, Marso 17 ti depensa ti kampo ti gobyerno ti pammilin ti Korte Suprema a mailawlawag ti pannakaarestar, panagdetene, ken panangipaima kenni sigud a presidente Rodrigo Duterte iti International Criminal Court (ICC).
Daitoy ket manamnama nga isubmitir ni Solicitor General Menardo Guevarra nga isu ti nakaawat ti naiserbi a kopya ti order, Biyernes ti malem idi kalman, Marso 14.
Maipalagipa a linaon ti show cause order nga in-issue ti SC idi Huwebes ti rabii ti order to explain kalpasan a maaksyonan ti tallo nga habeas copus petition nga impila dagiti annak ti sigud a Presidente nga isuda Davao City Mayor Sebastian “Baste” Duterte ken Veronica “Kitty” Duterte idi Marso 12.
Impaayan ti korte iti gobyerno ti 24 oras tapno sungbatan daitoy, ngem gapo ta ngudo ti lawas iti deadline, mabalin nga isubmitir dagiti respondents ti eksplanasyon da iti kinalunesan.
Malaksid kenni Guevarra, karaman pay kadagiti respondents da Executive Secretary Lucas Bersamin, Department of the Interior and Local Government (DILG) Secretary Jonvic Remulla, Philippine National Police (PNP) Chief General Rommel Marbil, PNP-CIDG chief Gen. Nicolas Torre III , Foreign Affairs Secretary Enrique Manalo, Armed Forces of the Philippines (AFP) Chief of Staff Romeo Brawner Jr., Executive Director of the Philippine Center on Transnational Crime (PCTC) Undersecretary Lt. Gen. Antonio Alcantara, Capt. Johnny Gulla ken Bureau of Immigration (BI).
