Nagpanawagan ni United States President Donald Trump kadagiti kaalyado a pagilian a mangipatulod kadagiti bukodda a warships tapno salakniban iti Strait of Hormuz, kalpasan a mangisayangkat iti Iran ti agsasaruno a panangraut idiay United Arab Emirates (UAE).
Kalpasan a pinasingkedan ti UAE iti panagsuwek dagiti siam a ballistic missiles ken 33 a drones manipud Tehran idi Sabado, inallukoy ni Trump iti internasional a komunidad a bantayan iti ruta a pagdaliasatan ti 20% a lana iti lubong.
Rinaut ti Iran dagiti sangladan idiay UAE gapu iti alegasion a pinagbalinda daytoy paglemmengan dagiti Amerikano.
Iti opensiba ti Iran ket kas pammales iti panangbomba ti America iti agarup 90 a military sites iti Kharg Island, iti sentro ti oil exports.
Kabayatanna, inlibak ni Iranian Foreign Minister Abbas Araqchi a nasugatan ni Supreme Leader Mojtaba Khamenei kadagiti panangraut.
Sipud idi Pebrero 28, dumanonen ti 2,000 iti pimmusay iti gubat a nangigubuay ti nalawa nga oil supply disruption.###
