Posible a mapawaywayan ti dua a bulan ti ₱50 price cap kadagiti 5% broken imported rice tapno mapatalged ti retail price daytoy kadagiti merkado.
Dayta ti palawag ni Department of Agriculture (DA) Secretary Francisco Tiu Laurel Jr., tapno salakniban dagiti consumers kontra iti profiteeing ken panangpatalged iti presio ti bagas a gapuanan pay laeng ti epekto ti rinnupak idiay Middle East.
Innayon ni Laurel, awan pay iti impatungpal ti DA a Suggested Retail Price (SRP) para iti locally produced rice, ngem adda ti singasing a nga agtultuloy a maad-adal.
Nupay kasta, posible a mangipatungpal daytoy ngem agbalin a nadumaduma iti nasao nga SRP iti tunggal rehion.
Kabayatanna, inlawlawag ni Laurel a saan a kasapulan a sumurot dagiti stakeholders ken retailers iti SRP gapu ta agserbi laeng daytoy a guide para kadagiti consumer ken boluntario nga inisyatiba a depende kadagiti retailers.###
