BR LA UNION – Natakuatan dagiti astronomer ti napartak unay nga angin nga agtataud iti supermassive black hole iti spiral galaxy NGC 3783.
Daytoy ti kapartakan nga angin a nairekord manipud iti nasao a kita ti astronomical object.
Segun iti European Space Agency (ESA), ti black hole ket agdagsen a kaibatugan iti 30 a milyon nga init ken agkonkonsumo ti material iti aglawlawna tapno pa-andaren iti active galactic nucleus (AGN) — maysa a nakaran-raniag ken aktibo a rehiyon iti law-ang a mangiruar kadagiti nabileg a jet ken angin.
Maysa kadagiti kapigsaan nga angin a narukodda ket 60,000 km iti kada segundo (agarup 20% ti speed of light), maibilang a kapartakan a naobserbaran agingga ita.
Segun ken Liyi Gu ti Space Research Organization Netherlands (SRON), damo a nakita dagiti siyentista ti napartak a panagbettak ti X-ray manipud iti nangisit a black hole ken dagus a nangpataud kadagiti napartak unay nga angin iti las-ud laeng ti maysa nga aldaw.
Inlawlawag pay ni researcher Matteo Guainazzi a napartuat ti angin idi kellaat a “nag-untwist” ti magnetic field ti nucleus — umasping kadagiti coronal mass ejections iti init ngem dakdakkel nga amang ti rukod ken kalawa daytoy.
Segun iti ESA, ti kapad-pada a mekanismo dagiti black hole ken ti init (sun) ket ipasimudaagna a mabalin nga agtrab-trabaho ti “energy solar ken high-physics.”
Innayon pay dagiti siyentipiko a ti natakwatan a scientific ket mangilawlawag nu kasatnu ma mabalin a makaimpluwensiya iti active galactic nucleus winds iti panangbukel ken ebolusyon dagiti galaxy.
