Isingsingasing ni Senate Minority Leader Vicente “Tito” Sotto III iti panangisayangkat ti random drug testing iti uneg ti Senado tapno masigurado nga agtaltalined a drug-free iti masakupanda.
Segun kenni Sotto, impatungpal na iti nasao a programa idi isuna iti Senate President iti 18th Congress ken naipasidong iti sorpresa a drug test dagiti 300 nga empleyado ti Senado kasta met dagiti senador nga agpapada a nagnegatibo.
Timpuar iti singasing iti kangitingitan ti agdama nga imbestigasyon iti maysa nga staff ni Sen. Robin Padilla a mapagduduaan nga agar-aramat ti maiparit nga agas iti uneg ti Senate building.
Nupay awan ti opisyal a resulta ket impagetget ni Sotto iti kinapateg ti preventive measures tapno mapagtalinaed iti integridad ti institusyon.
Immuna metten a pinaglibakan ti mapagbibiddutan nga empleyado nga agar-aramat isuna ti maiparit nga agas.
Iti random drug testing ket paset ti nalawlawa a kampanya ti gobierno kontra iti ilegal a droga kas maitunos iti Republic Act No. 9165 wenno Comprehensive Dangerous Drugs Act of 2002.
Mabalin a maipasidong iti drug testing dagiti drug testing dagiti empleyado ti gobierno kas paset ti workplace safety protocols.
Mamati ni Sotto nga iti panagsubli ti programa ket saan laeng a mapapigsa ti talek ti publiko iti publiko no di ket agserbi a ballaag iti sinoman a mangpadas nga agitugot wenno agaramat ti droga iti uneg ti institusyon.###
