Kinuna ni retired police colonel Royina Garma a ti panagsubli ti panagtalek ti publiko iti Philippine National Police ti maysa kadagiti rason no apay nga impalgakna iti Quad Committee Hearing ti Kamara ti mapapati a pudno nga estoria iti likudan ti drug war ti Duterte Administration.
Impalgak ni Garma iti quad committee nga impatungpal ti administrasion ni dati a presidente Rodrigo Duterte ti reward system para kadagiti polis a mangpapatay kadagiti adda iti drug list.
Iti daitoy a reward system a kapada ti “Davao template,” ket manipud P20,000 agingga iti P1 milion iti kada hit wenno matumba a drug personality.
Idi dinamag isuna ni Representative Dan Fernandez nu adda nangpilit kenkuana a mangipalgak kadagiti ammo na, kinuna ni Garma nga awan ken dinanon isuna ti makalawas sakbay na napagpanunotan nga ibaga ti kinapudno iti komite.
Nagsao met ni House Senior Deputy Speaker Aurelio Gonzales Junior maipapan iti imbaga ni Garma para iti reporma ti PNP.
Kinunana a dayta ti gapuna a maar-aramid ti imbestigasion para iti pagimbagan dagiti umili a naurnos ti PNP ken awan ti extrajudicial killings.
