LA UNION – Karbengan iti anyaman ken siasinoman a sektor iti gobyerno a mangiyindurso ti kandidato tunggal eleksiyon, partikular iti kina-presidente.
Kas iti Iglesia ni Kristo a nag-endorso iti Presidentiable a botosan dagiti miyembro inton Lunes, Mayo 9, kinuna iti maysa a political analyst a ni Professor Karl Lenin Benigno manipud NorthWestern University idiay Ilocos Norte, a saan na a mabalin a kontestaren iti desisyon ti nasao a grupo, agsipudta karbengan da daytoy ken dogma ti religious group nga awan ti makalapped.
Kinuna na nga anyaman a desisyon iti naduma-duma a grupo ti relihiyon ket nasken a respetaren.
Iti napateg ket agbalin a natanang ken nasirib iti kada botante a mangibitos kadagiti sumaruno nga agtakem a lider iti pagilian.
