Ilunglungalong ni Senador Jinggoy Estrada a maipababa ti buwis iti biruk dagiti mangmangged.
Papaamyendaran ti Senate Bill 1685 iti Section 24 ti Republic Act No. 8424 wenno National Internal Revenue Code of 1997 a baliwan ti tax brackets mangrugi inton 2027.
Tarigagay ti gakat a tulongan dagiti mangmangged a mabaelan ti agtultuloy a panagngato ti inaldaw a magasto kasta met a manayunan ti ‘take-home pay’ dagiti low ken middle-income earners.
Dagiti addaan ti tinawen a suweldo ti P500K pababa ket saanen nga agbayad pay ti income tax bayat a dagiti nasursurok pay ngem P500K nababbaba’n ton iti maipaulog kadakuada nu idasig ti agdama a rate.
Agtalek ni Senador Estrada a nu dakdakkel iti mabati a suweldo ket ad-adda a makagasto ti maysa a pamilya. Gapo kadayta ket agrikos manen ti ekonomiya ken mapasayaat ti kaledad ti panagbiag.
