Addan ti 47.42% iti lebel ti panangsurot dagiti retailers iti intero a pagilian iti implementasion ti ₱50 tunggal kilo a price ceiling para iti imported rice nga addaan ti 5% broken grains.
Naisayangkat idi napalabas iti naggigiddan nga inspeksion iti nadumaduma a paset ti pagilian tapno masigurado iti panangipatungpal ti panagbaba iti presio ti bagas.
Iti agdama, adda ti pakabuklan a 36 notices of violation a naipaay ti Department of Agriculture.
Nailista ti 19 manipud Ilocos Region, walo idiay National Capital Region, uppat idiay Central Luzon, tallo idiay Negros Island Region, ken dua idiay Bicol Region.
Agtultuloy iti panangpapigsa ti ahensia iti monitoring ken enforcement efforts tapno masigurado iti panangsurot kadagiti patakaran ti gobierno mainaig ti rice price cap ken masalakniban dagiti gumatgatang kontra iti saan a naikalintegan a presyo.###
