LA UNION – Aganay 240 nga indibidual ti nakipaset iti indignation rally nga indaulwan ni Lt Col. Rodrigo Mariñas, commanding officer ti 81st Infantry Battalion, Philippine Army (81st IB, PA) idiay Poblacion, Suyo, Ilocos Sur.
Nagbalin a tampok iti indignation rally iti pannakapuor ti effigy wenno ladawan dagiti personalidad a makunkuna a dadaulo ti New People’s Army (NPA).
Segun kenni Lt Col. Mariñas, iti nasao a ganwat ket wagas tapno kondinaren iti saan a nasayaat nga aramid dagiti rebelde, a maikaniwas iti paglintegan.
Malaksid dayta, kayat nga ipamatmat ti puwersa armada ti pagilian nga adun kadagiti supporters ti NPA iti nagsublin iti sidong ti gobyerno.
Kadwa ti PA iti indignation rally dagiti kameng ti Suyo PNP, dagiti LGU officials idiay Suyo, Ilocos Sur ken dadduma pay a sektor iti gobyerno.
