LA UNION – Nangrugin ita nga aldaw, Abril 17 iti pangawat ti Social Security System (SSS) iti aplikasyon para iti Small Business Wage Subsidy (SBWS) Program.
Iti pannakiuman ti Bombo Radyo kenni SSS La Union Branch Manager Francisco Pentecostes, kinuna a dagiti kwalipikado nga agbalina benepisyaryo ti nasao a programa ket iti small business wenno babassit a negosyo kas iti corporation, partnership, wenno sole proprietorship ngem saan a nairaman iti Large Taxpayer Service (LTS) list iti Bureau of Internal Revenue (BIR).
Sigun kenni Pentecostes, mabalin a bumista iti website ti BIR tapno maammuan no ti maysa nga small business ket kwalipikado.
No kwalipikado dagitoy ket ag-apply da babaen iti online ti website iti SSS.
Manipud iti P5,000 agingga P8,000 iti maawat dagiti maaprobaran, ngem iti Ilocos region ket umawat iti P5,500.
Agpatingga ti nasao a programa agingga inton Abril 30.
