LA UNION – Nangisayangkat iti tignay-protesta ti sumagmamano a Hong Kongers kagiddan iti pananglagip ita nga aldaw ti National Day of Hong Kong.
Iti pannakiuman ti Bombo Radyo kenni Emily Miranda nga adda ita idiay Hong Kong, kinunana nga uray dakes iti kasasaad ti panawen wenno agtudtudo ket intuloy dagigti protesters dagiti bukodda nga aktibidad.
Maipagarup a kontra dagiti raliyesta a mai-turn over iti Hong Kong a maipasidongda iti gobyerno ti China inton tawen 2047.
Maipalagip, July 1, 1997 idi a panawan ti Britanya ti Hong Kong a sigud nga imatmatunan daytoy ken naisuli iti biang ti China.
