LA UNION – Kinumpirma ni Mayor Alf Ortega nga awanen ti matamtaming a pasyente iti COVID-19 a nagtaud manipud iti syudad ti San Fernando, La Union.
Iti pannakiuman ti Bombo Radyo kenni Mayor Ortega, kinunana a naimbagen manipud iti nasao a sakit dagiti dua a naudi a nagbalin a pasyente ken nakaawiddan kadagiti bukodda a balay.
Sigun ti alkalde, saan a nasken nga agkampate dagiti umili no pay awanen ti nailista a kaso iti COVID-19 gapu ta agtaltalinaed pay laeng iti pangta daytoy.
Binalakadan ni Mayor Ortega a kasapulan latta iti panaggannad ken sumurot kadagiti maipatpatungpal a protocol kontra iti nadakamat a sakit.
