Nagballaag dagiti sumagmamano a dealer ditoy probinsya ti La Union nga agilaklako iti LPG nga awanan ti logo wenno dagiti Generics nga saan a mabasa ti PS Mark ken Serial Number dagitoy.
Maibasar dagiti impormasyon a nakalap ti Bombo Radyo News Team, iti maysa a dealer ti LPG a ni Jovita Deguzman Maala iti Brgy. Ubbog Bacnotan La Union ket inlawlawag na no apay nga adda dagiti sumagmamano a maikkat nga Liquified Petroluem Gas.
Segun kenni Maala maibasar iti LPG Law, ikkaten ti Department of Trade and Industry ken Department of Energy dagiti saanen a madlaw dagiti tatak wenno awan ti logo na a tangke.
Babaen iti nasao nga addang ket masalwadan dagiti consumer iti posible a peggad nga itunda dagiti agraraira a bogus nga LPG tank.
Kinuna pay ni Maala nga awan ti swapping center ditoy La Union .
Kadagiti agilako wenno ag-dealer ti LPG masapol nga addaan ti Licensed to Operate tapno saan a mapatawan ti penalty.
