LA UNION – Pabor unay ni Meat Vendors Association President Melinda Adriano, iti ar-aramiden ita a panangadal iti konseho syudad ti San Fernando iti panangikeddeng iti presyo ti karne ti baboy.
Segun kenni Adriano, kayat na a mairaman dagiti retailers iti maisayangkat a panagtataripnong dagitoy tapno pagnunumwan da iti maymaysa a presyo a nasken a suruten dagiti meat vendors.
Malaksid dayta, kayat da pay a maamwan nu paggapwan iti suplay ti baboy.
Segun kenni Adriano, agtaltalinaed a nangato iti presyo ti liveweight ngem bimmaba kadagiti backyard raisers.
Immunan a naipadamag nga adalen dagiti lokal nga opisyal ti syudad iti panang-regulate iti presyo ti karne ti baboy kalpasan a naobserbaran iti nangato a presyo ti nasao a produkto iti merkado publiko, iti napalpalabas a lawas.
Ngem gaputa kimmapsot iti panaglakwan gaputi kinangina iti karne ti baboy a dimmanon iti P310-P320 kada kilo, imbaba dan daytoy iti P290-P300 kada kilo.
