Dumanonen ti ₱3.62 billion iti perdision ken production losses iti sektor ti agrikultura gapu iti napapigsa nga habagat ken bagyo Luis, Maymay ken Neneng, segun ti Department of Agriculture (DA).
Maibasar iti kaudian nga assessment ti DA Disaster Risk Reduction and Management Operations Center agingga iti tengnga’t aldaw ti Setiembre 3, 86,466 a mannalon ken mangngalap, ken 74,809 nga ektaria ti agricultural areas kadagiti walo a rehion iti naapektaran. Dimmanon ti 87,745 metriko tonelada iti production losses iti pagay, mais, high-value crops, fisheries, livestock, ken poultry.
Karaman kadagiti apektado a lugar iti Cordillera Administrative Region, Ilocos Region, Cagayan Valley, Central Luzon, CALABARZON, MIMAROPA, Bicol Region, ken Western Visayas. Kadakkelan a nadadael iti pagay a mapattapatta a ₱1.90 billion, idinto a ₱1.03 billion iti nadadael kadagiti high-value crops.
Kabayatanna, kenuna ti DA nga umawat dagiti apektado a mannalon ti libre a bin-i ken planting materials, bayat a mabalinda met ti umutang ti agingga ₱25,000 a zero-interest loans manipud iti Survival and Recovery Loan Program ti Agricultural Credit Policy Council. Mabalin met nga umawat dagiti insured farmers babaen ti Philippine Crop Insurance Corporation.###
