LA UNION – Nakatuding nga ipa-ban iti Rosario-LGU ken Rosario-PNP iti operasyon dagiti videoke bar iti intero nga ili.
Daytoy ket kas panagtungpal iti pammilin ti DILG secretary, nga ipawil iti operasyon dagiti videoke bar ken dadduma pay a naariwawa nga aktibidad, a makasinga wenno maka-istorbo iti blended learning system dagiti estudyante ken work from home dagiti mangmangged.
Kinuna ni PMajor Garry Anthony Casem, agdama a chief-of-police idiay Rosario PNP, nalpasen a naisayangkat iti public hearing ken naki-koordinar metten dagiti opisyales ti ili kadagiti videoke owners, nga isardeng pay laeng iti operasyon dagitoy, tapno ipaayan dalan iti
naulimek ken natalna nga aglawlaw kabayatan ti online class dagiti agtutubo.
Nupay kasta, temporaryo laeng kunana iti pannakai-ban ti videoke iti nasao nga ili bayat nga adda iti sidong ti new normal gapwanan ti COVID 19 pandemic.
Iti first offense ket P1,500; second offense – P2,000; third offense – P2,500 ken pannakabalud ti maysa a bulan.
