LA UNION – Agtaltalinaed pay laeng a burburtiya para iti pulisya ti pannakapapatay iti punong barangay ti Pangao-aon West, ili ti Aringay, La Union.
Iti pannakiuman ti Bombo Radyo kenni Capt. Gerardo Macaraeg, hepe ti Aringay Police, kinunana a kasapulanda pay a makasapul kadagiti pammaneknek tapno matukoy iti pudno a makagapu ti pammaltog iti biktima a ni Punong Barangay Lourdes Parotina.
Sigun kenni Macaraeg, sakbay iti pammapatay iti biktima ket maipagarup nga adda iti nakaibaga kenkuan nga adda ti agpangpangta iti biagna ngem saan daytoy a nagreport iti kwerpo ti pulisya.
Kabayatanna, mangbukel metten ti La Union Police Provincial Office iti special investigation task group nnga isu ti mangidaulo iti panangisayangkat ti imbestigasyon iti napasamak a krimen.
Immuna iti daytoy, pinaltugan iti saan pay a nabigbig a suspek ti biktima kabayatan nga agbuybuya daytoy iti telebisyon iti uneg ti balayda idi napalabas a rabii ti Lunes.
