LA UNION – Sumagmamano a residente ken estudyante iti maladingitan kalpasan a naspak iti dakkel a sanga ti acacia wenno ti Centennial Tree idiay Carcarmay Elementary School idiay ili ti Bacnotan, La Union.
Malaksid kadagiti residente iti nasao a lugar, nangipeksa met iti naduma-duma a reaksyon dagiti netizens gapu ti napasamak iti nadakamat a kayo.
Kinuna ni Moises Orejudos Jr., residente iti Barangay Ubbog ti nasao nga ili, masayangan isuna iti pannakasippak ti dakkel a sanga ti kayo.
Sigun kenni Orejudos, nakalaglagip ti nadakamat a puon iti acacia gapu ta iti sirok daytoy nga agay-ay-ayam idi ubing pay isuna a kaddua dagigti kaklasena.
Ngem imbag laengen ta naiparna nga awan iti serrek iti eskwela iti a naspak ti nasao a sanga gapu ta posible a mangipaay daytoy iti peggad kadagiti ubbing.
Base iti pakasaritaan, ti nadakamat a kayo ket naimula idi 1896.
Napaay daytoy kas linong dagiti nagkauna a kapututan ken kabayatan iti world war 2.
Iti agdama, umabuten iti 124 years ti nasao a kayo.
June 3, 1998, a naideklara met daytoy kas maysa nga 13 a Philippine Centennial Tree babaen ti DENR.
