BR LA UNION – Nangiruar ti inisyal a resulta ti imbestigasyon iti Philippine Army seknan iti posible a makagapo ti pannakatay iti dua a kadete kabayatan ti training.
Segun iti army, ‘heat stroke’ ti rason ti pannakatay dagiti dua a trainee.
Maibasar iti resulta ti medical certificate nga inruar dagiti doktor a nangamiris kadagiti trainee, natay dagitoy gaputi epekto ti nakaru a kinabara ti panawen iti salun-at da.
Nangigubway daytoy ti health complications partikular iti brain complication ken swelling iti bagi, a nakaigapwan ti pannakatay dagiti dua.
Tinakderan ti Philippine Army a dagus da a tinulungan dagiti recruit tapno maisalbar kalpasan a natumba da kabayatan ti formation.
Naiturong dagitoy idiay Camp O’Donnell Medical Treatment Facility bayat nga unconscious ken adda da iti kritikal a kondisyon.
Tapno masiguro a maipaayan da iti naan-anay a medical treatment, naiyakar da idiay Tarlac Provincial Hospital ngem pimmusay da met laeng.
Naminsan pay a nangipeksa ti pannaki-simpatiya ti sibubukel nga Army iti pamilya dagiti dua a biktima a nabigbig nga isuda Candidate Soldiers Johndyl Lemosniro ken Junel Flores.
Nangisagut pay ti kararag ti Army para kadagiti dua a natay a trainee.
