Impasiguro ti Partido Demokratiko Pilipino (PDP) ti kinasagana da a tulongan ni Senador Ronald Dela Rosa iti aniaman a wagas ken gundaway a kabaelan da.
Segun kenni PDP Deputy Spokesperson Ferdinand Topacio, ni Dela Rosa ket maysa kadagiti naisangsangayan a miembro ti partido kas opisyal ken maysa kadagiti tallo a senador a mangibagbagi iti grupo.
Impaganetget ti abogado nga agtaltalinaed a solido ti suporta ti PDP para ti sigud a Hepe ti Philippine National Police laksid ti agdama na a sitwasyon.
Kinondenar na pay ti maulit-ulit nga isawsawang ni Ombudsman Jesus Crispin Remulla nga addan iti arrest warrant kontra iti Senador.
Kunana a ti araramiden ni Remulla a panangibutaktak ti arrest warrant manipud International Criminal Court (ICC) ket maysa a klase ti panangiwaswas ti soberanya ti pagilian.
Maipalagip a maysa a bulanen a saan a dimmadar-ay ti sesyon ti Senado ni Dela Rosa kasaruno a timpuar ti damag seknan ti warrant of arrest na manipud ICC.
Nupay kasta, idi laeng Disyembre 18 ket nangiruar ti legal counsel ti maysa a video footage ken ladawan a mangipakpakita a nagsarita da iti senador ti maysa a natao a lugar.
