Binabalaw ni House Spokesperson Attorney Princess Abante ni Davao City Mayor Sebastian “Baste” Duterte gaputi akusasion nga awanan ti basaran ken imbento laeng tapno allilawen iti publiko maipanggep ti Statement of Assets, Liabilities, and Net Worth wenno SALN ni Speaker Ferdinand Martin Romualdez.
Kasaruno daytoy ti waragawag ti Mayor a kellaat a ngimmato iti kinabaknang ni Romualdez manipud P200 million idi 2022 agingana P3 billion ita a tawen, ken nagpanawagan pay iti House Committee on Appropriations a mangisayangkat ti imbestigasyon.
Segun kenni Abante, ironic iti panag-akusar ti mayor kenni Romualdez, agsipudta mismo nga dagiti Duterte iti nabayagen nga agked-kedked nga isapubliko iti SALN. Maitunos met daytoy iti nabayagen a taktika dagiti Duterte a mangaramat ti akusasyon ken saan nga umno nga impormasyon tapno kalluban iti bukod da a pagkurkurangan seknan ti ‘transparency’.
Impaganetget na pay nga iti SALN ti House Speaker ket regular a maipaspasa kas maitunos iti linteg ken dumaldalan iti umno a proseso.
No kayat dagiti Duterte ti accountability, rumbeng kunana a rugyan da iti panaglukat ti bukod da a SALN iti publiko.###
