LA UNION – Natay ti maysa a pasahero ti kotse kalpasan ti napasamak a panagdinnungpar ti dua a lugan idiay ili ti Balaoan, La Union.
Nabigbig ti biktima a ni Martin Layugan, 55-anyos.
Maibasar iti imbestigasion dagiti otoridad, agturturong iti abagatan a paset ti national highway iti deppaar ti Brgy. Antonino ti truck a minaneho ni Reynaldo Antonio, taga-Laoag City, idi saanna a nadlaw ti agpa-laud a kotse a minaneho Jesse Paytiw, taga-La Trinidad, Benguet.
Ditoy a nagdinnungpar dagiti dua a behikulo a nagbanag iti pannakasugat dagiti nakasakay iti kotse.
Agpapada a naitaray iti pagagasan dagiti nakalugan iti dua a behikulo ngem daksanggasat ta naideklara a pimmusay ni Layugan.
