Agtalinaed iti kustodiya ti Senado ni Pacifico “Curlee” Discaya II kalpasan nga imbasura ti Pasay City Regional Trial Court Branch 498 iti impila nga habeas corpus petition ti kampo na.
Segun iti korte, awan ti naan-anay nga ebidensia a mangipakpakita nga adda ti grave abuse of discretion iti Senado maipanggep iti panangdetine kenni Discaya.
Pinasingkedan daytoy iti abogado na a ni Atty. Cornelio Samaniego III a mangibagbaga a padpadasen da pay a maala iti opisial a kopya ti desision.
Maipalagip nga in- contempt ti Senado ni Discaya idi Setyembre 18 kalpasan ti maipagarop a panaglibak na kabayatan iti panagdingeg ti Blue Ribbon Committee maipanggep ti iregularidad dagiti flood control projects.
Tinakderan met ti Senado a lehitimo ken maibasar iti Konstitusion iti aksion da.
