BR LA UNION – Narsuod ti paset iti maysa a 2-storey house idiay Peñarubia St., Brgy. San Nicolas idiay Binondo, Manila agarop alas-9 idi rabii, Oktubre 1.
Segun kadagiti nakaimatang, naklaat da laengen idi kellaat a narba iti sangwanan a paset ti nasao a balay.
Maysa nga ubing a babai ken lalaki iti mapapati a natinnagan ti debris, nasurok dua dagiti nadun-dunor iti insidente, kabilang ti maysa a tindera a temporaryo a na-trap iti uneg ti paset ti balay sakbay da a naiturong iti ospital.
Naiyakar dagiti maseknan babaen iti tulong dagiti residente ti nasao a lugar.
Dagus met a nagresponde iti Bureau of Fire Protection (BFP) and Manila Disaster Risk Reduction and Management Office (MDRRMO) iti lugar tapno imbestigaran ken mangisayangkat metten ti clearing operations.
Agtultuloy ti panangdetermina dagiti otoridad iti bilang dagiti nasugatan iti insidente ken nakaigapwan ti pannakarsuod ti pasdek.
