LA UNION – Ngimmatu iti passing rate dagiti estudyante ditoy Region One, para iti second quarter ti Distance Learning ita nga school year.
Kinumpirma iti Bombo Radyo La Union ni DepEd Region One Public Affairs Unit Head Cesar Bucsit, a 99.18 percent iti passing rate dagiti estudyante iti 2nd quarter, nangatngato nu ikumpara iti 99.3 idi 1st quarter.
Segun kenni Bucsit, a base daytoy iti datus nga insumite dagiti 14 nga Schools Division Offices iti intero nga Ilocos Region, a pakairamanan ti La Union Schools Division ken San Fernando City Schools Division Office.
Iti nasao a porsiyento ket kaibatugan iti 1, 138, 364 nga estudyante a pimmasa iti 2nd quarter nu idilig iti 1,133, 886 idi 1st quarter.
Kinuna pay ti opisyal, nga adda iti 3, 675 nga estudyante iti saan a pimmasa iti 2nd quarter gaputi nagduduma a rason.
Kabilang ditoy iti incomplete requirements wenno output ken saan a panagsumite iti activity sheets.
Nupay kasta, nangisayangkaten dagiti mangisursuro iti home visitation tapno tamingen dagiti nasao a parikot dagiti estudyante ken allokoyen nga agadal a naimbag iti tengnga ti agtultuloy a karit ti pandemya a ginubway ti COVID 19.
