Naiturong iti ospital ni Pastor Apollo Quiboloy ti Kingdom of Jesus Christ (KOJC) kalpasan a marigatan isuna nga aganges.
Segun iti waragawag ni Bureau of Jail Management and Penology (BJMP) spokesperson Jail Superintendent Jayrex Bustinera, napartak a sinungbatan dagiti tao-da iti kasasaad ni Quiboloy, kangrunaan ta siguden nga adda ti rikriknaen na.
Impasigurado da nga agtultuloy a mamon-monitor iti kasasaad ni Quiboloy tapno masigurado iti kinatalged ken salun-at na bayat nga adda iti ikot ti gobierno.
Adda iti kustodiya ti BJMP ti nadakamata a pastor mainaig dagiti kaso a naipila maibusor kenkuana, pakairaman ti human trafficking ken sexual abuse.
Impaganetget ni Bustinera nga awan ti maipapaay nga special treatment kenni Quiboloy iti uneg ti pasilidad, ken dagiti amin nga addang ket maitunos iti standard medical protocols.
Maipalagip nga immunan a naiturong iti ospital ni Quiboloy, sumagmamano a bulan ti napalabas gapo kadagiti rikriknaen na.###
