Agbiahe agturong idiay Singapore ni Presidente Ferdinand Marcos Jr. inton bigat, Oktubre 7 agingga 11, para ti maysa a working visit, babaen iti imbitasyon ni Singapore Prime Minister Lawrence Wong.
Segun kenni Department of Foreign Affairs (DFA) Asec. Analyn Ratonel, tarigagay iti biahe a mapalawa iti economic ties ti Pilipinas ken Singapore, nangruna iti panagpuonan ken dadduma pay a sektor a makatulong iti panagrang-ay ti pagilian.
Makitaripnong ni Presidente Marcos kenni Prime Minister Wong tapno dakamaten iti bilateral cooperation ken dagiti development ditoy rehiyon.
Dar-ayan pay ti Presidente iti 24th Forbes Global CEO Conference tapno ilatag kadagiti business leaders dagiti investment priorities ken growth sectors ti Pilipinas.
Kabayatanna, manamnama met iti panagbisita na iti Singapore Nuclear Research and Safety Institute tapno ammuen iti kapadasan ti pagilian iti tay-ak ti nuclear technology and safety.
Napateg iti nasao a biahe kabayatan iti umadani a panagleppas iti termino ti Pilipinas a kas ASEAN Chair, sakbay a maipasa daitoy iti Singapore inton sumaruno a tawen.
