Binilin ni Presidente Ferdinand Marcos Junior dagiti amin a cabinet secretaries nga agturong idiay Cebu partikular kadagiti maseknan nga ahensia ti gobierno tapno mangisayangkat ti damage assessment mainaig iti epekto ti 6.9 magnitude a gingined.
Segun kenni Presidential Communication Office Secretary Dave Gomez, tarigagay ti Presidente Marcos a maamwan iti kinalawa ti perdision ken no ania pay dagiti kasapulan dagiti kailian a nakaro nga naapektaran.
Mangnamnama met ti Presidente a mangipaay ti feedbacks dagiti nadumaduma nga ahensia ti gobierno mainaig iti paigsa a ginggined.
Sinigurado met ni Gomez nga dagiti ahensia ket naka-preposition kangrunaan ti National Disaster Risk Reduction Management Council a mangidadaulo iti search and rescue operation.
Nangideploy ti personnel iti Philippine National Police iti lugar tapno mapagtalinaed iti peace and order ken malapdan iti aniaman nga insidente ti looting wenno panagsamsam.
Nangipatulod ti Department of Health (DOH) kadagiti kanayonan nga health workers idiay Cebu tapno tumulong.
Ar-aramiden ti Department of Energy iti amin tapno maisubli iti suplay ti koriente iti lugar kasta met nga ipatungpal ti price freeze kadagiti produkto ti petroleo.
Nangipatungpal met ti Department of Trade and Industry ti price freeze para kadagiti kangrunaan a produkto ti taraon.###
