Gibosanen ni Presidente Ferdinand Marcos Jr. iti palakasan system kadagiti farm-to-market road projects (FMR).
Inaramid na iti nasao a waragawag iti kangitingitan ti ar-aramiden nga imbestigasion ti gobierno iti P105 million a gatad ti maipagarop a ghost projects nga farm-to-market roads idiay Mindanao.
Iti naisayangkat ti panagbetla ti Presidente kabayatan ti inagurasion ti Union Water Impounding Dam idiay Claveria, Cagayan, kenunana nga amin dagiti maaramid a farm to market roads ken obligado a maaddaan ti masterplan ken saan nga political connections wenno dagiti kaalyado ti partido pulitikal.
Saanen kunana nga agbalin a kas iti sigud a maidalan iti pinapigsa, gayyem, kapartido dagiti proyekto uray no awan ti plano.
Segun kenni Presidente Marcos, ikonkonsultan ti agministrasion dagiti gobernador ken mayors tapno i-ivalidate dagiti farm to market roads roadmap.
Daytoy ket tapno masiguro a dagiti proyekto ket maibasar iti aktual a demand ken saan a maysa a political patronage.
Impasiguro pay ti Presidente a saan laeng nga dagiti farm to market roads iti ipamaysa ti gobierno, no di ket karaman pay dagiti farm to market bridges.###
